ताप्लेजुङ ।
स्व. गणेश सिग्देलको निधनप्रति श्रद्धाञ्जली अर्पण गर्न प्याब्सन कोशी प्रदेशका उपाध्यक्ष इसुब पाण्डे नेतृत्वको व्यक्तिगत टोली आइतबार बिहान ताप्लेजुङ पुगेको थियो र नै आइतबार साँझ फर्किएको छ।
उपाध्यक्ष पाण्डे, दिपेन्द्र लिम्बू र प्रभु श्रेष्ठसहितको तीन सदस्यीय व्यक्तिगत टोलीले स्व. सिग्देलको परिवारसँग भेटघाट गरी दुःख व्यक्त गरेका थिए। टोलीले परिवारलाई “दुःखको घडीमा तपाईंहरू एक्लो हुनुहुन्न” भनी सान्त्वना दिएका थिए।
सम्झना र पीडाका क्षणहरू बाँड्दै उपाध्यक्ष पाण्डेले परिवारलाई रु. ५१ हजार व्यक्तिगत सहयोग हस्तान्तरण गरेका थिए। सहयोग पाएपछि परिवारजनका आँखा रसिएको र उपस्थित सबै भावविह्वल बनेको स्थानीयले बताएका छन्।
टोलीले स्व. सिग्देलको शिक्षा क्षेत्रमा पुर्याएका योगदान, प्याब्सनप्रतिको समर्पण र भविष्यमा संगठनलाई सबल बनाउने प्रतिबद्धता परिवारसँग साझा गरेको थियो।
संवेदनाका यी पलहरू बाँडेपछि व्यक्तिगत टोली नै आइतबार साँझ झापा फर्किएको छ।
प्रतिक्रिया
सम्बन्धित खवर
