ताप्लेजुङ । नेकपा एमालेको ११औँ राष्ट्रिय महाधिवेशनका लागि ताप्लेजुङबाट जाने १२ जना प्रतिनिधि सर्वसम्मत रूपमा चयन भएका छन्।

शुक्रबार अपरान्ह निर्वाचन समितिले विभिन्न समुहबीच सहमति जुटाउँदै प्रतिनिधिहरूको नाम सार्वजनिक गरेको हो। समितिका संयोजक तथा UML कोशी प्रदेश कमिटी सदस्य राजकुमार चुडाँलका अनुसार:

खुला ६ पदमा चयन

अनन्त साँवा

घनेन्द्र मादेन

दीपेन्द्र पोमू

प्रकाश राई (कैलास)

छत्रपति प्याकुरेल

ज्ञानेन्द्र लावती

महिला कोटा

टीका सुबेदी भट्टराई

रनमाया गुरुङ

प्रमिला खनाल घिमिरे

मिना केदेम

दलित कोटा

बुद्धिमान परियार

युवा कोटा

गोपाल न्यौपाने

खुला तर्फ सुरुमा २२, महिलामा ८, युवामा १ र दलिततर्फ ३ जना उम्मेदवार थिए। सहमतिमै प्रतिनिधि चयन हुनुले पार्टीभित्र सकारात्मक सन्देश प्रवाह भएको UML पोलिटब्युरो सदस्य तथा जिल्ला इञ्चार्ज तिलकुमार मेन्याङ्वोले बताए।

पार्टीलाई थप एकीकृत, व्यवस्थित र बलियो बनाउन सहमति भएको कार्यदलका सदस्य तथा पूर्व जिल्ला अध्यक्ष बलबहादुर साम्सोहाङले यो निर्णय UML ताप्लेजुङका लागि महत्वपूर्ण कदम भएको टिप्पणी गरे।

कार्यवाहक अध्यक्ष दीपेन्द्र पोमूले सहमतिका लागि योगदान गर्ने सबै कार्यकर्ताप्रति धन्यवाद व्यक्त गर्दै, सर्वसम्मत चयनले पार्टी कार्यकर्ताको भावना सम्मान भएको बताए।