ताप्लेजुङ। ताप्लेजुङको तेम्बा बजारमा मङ्सिर २ गते मध्यराति भएको आगलागीबाट प्रभावित परिवारलाई आर्थिक सहयोग प्रदान गरिएको छ। नेकपा एमाले मिक्वाखोला गाउँपालिका कमिटीको पहलमा सङ्कलन गरिएको नगद प्रत्येक परिवारलाई ५५ हजार रुपियाँ दरले सान्त्वना स्वरूप वितरण गरी कुल ३ लाख ३६ हजार रुपियाँ हस्तान्तरण गरिएको हो।

आगलागीमा इन्द्रकुमार लिम्बू, राजकुमार लिम्बू, अनिल लिम्बू र विष्णुप्रसाद लिम्बूको घर पूर्ण रुपमा जलेर नष्ट भएको थियो। साथै घर भाडामा बस्दै आएका पासाङ फुटी शेर्पा र दोर्ची शेर्पा पनि प्रभावित भएका छन्। आगलागीबाट करिब १ करोड १८ लाख रुपियाँभन्दा बढीको क्षति भएको अनुमान गरिएको छ।

एमाले ताप्लेजुङका सदस्य तथा मिक्वाखोला गाउँपालिका इन्चार्ज मिथुन सावाँले उक्त आर्थिक सहयोग वितरण गरिएको जानकारी दिनुभयो।