१३ मङ्सिर, ताप्लेजुङ । ताप्लेजुङको तेल्लोकमा हुने पाँचौँ सिरिजङ्गा गोल्डकप तथा सिरिजङ्गा मेला–२०८२ को खेल तालिका सार्वजनिक गरिएको छ। मंसिर २३ देखि २९ गतेसम्म चल्ने प्रतियोगिता दुई समूह ‘A’ र ‘B’ मा विभाजन भएको छ।

समूह ‘A’ मा तेल्लोक स्पोर्टिङ क्लब, रेड हर्स एफसी इलाम, पारिजात संघ एफसी भारत र मरिन एफसी धरान प्रतिस्पर्धा गर्दै छन्।
समूह ‘B’ मा न्यू स्टार क्लब झापा, वाइवाई पंचथर एफसी, सागुरीगढ एफसी धनकुटा र राइजिङ स्पोर्ट्स युवा क्लब छन्।

सबै खेल दिउँसो २ बजे तेल्लोक माविको खेलमैदानमा हुनेछन्।फाइनल खेल मंसिर २९ गते निर्धारण गरिएको आयोजकले जनाएको छ।

क्लवका अध्यक्ष अर्जुन भट्टराईका अनुसार प्रतियोगिताका विजेताले नगद ३ लाख ३२१ रुपैयाँ र उपविजेताले १ लाख ५० हजार ३२१ रुपैयाँका साथ ट्रफी,मेडल र प्रमाणपत्र प्राप्त गर्नेछन् ।

विधागततर्फ सर्बोकृष्ट खेलाडीलाई १० हजार रुपैयाँ तथा सर्बाधिक गोलकर्ता, उत्कृष्ट गोलरक्षक, उत्कृष्ट डिफेण्डर र उत्कृष्ट मिडफिल्डरलाई समान नगद ५–५ हजार रुपैयाँका साथ सबैलाई ट्रफी, मेडल र प्रमाणपत्र प्रदान गरिने भएको छ ।

प्रत्येक खेलको म्यान अफ द म्याचलाई नगद २ हजार ५ सय रुपैयाँ प्रदान गरिने अध्यक्ष भट्टराईले जानकारी दिनुभएको छ ।

खेल तालिका:

प्रतिक्रिया

सम्बन्धित ख

ताजा समाचार

लोकप्रिय

error: Content is protected !!