ताप्लेजुङ, मंसिर १३ ।
ताप्लेजुङको सिदिङ्वा गाउँपालिका–४ स्थित भन्ज्याङ बजारमा भएको भीषण आगलागीबाट ५० लाख रुपैयाँभन्दा बढीको क्षति पुगेको छ। शुक्रबार साँझ करिब साढे ४ बजेतिर लक्ष्मी तामाङको पाँचतले पक्की घरमा आगलागी भएको हो।
विद्युत् शर्ट सर्किटका कारण लागेको अनुमान गरिएको आगोले घरको टिनको छाना, काठपात, मेसिनरी सामग्री, ल्यापटप, कम्प्युटर, प्रिन्टर, ब्याट्री तथा सोलार जडानका उपकरणहरू जलेर नष्ट भएका प्रहरी निरीक्षक जट्टा शंकर यादवले जानकारी दिए।
आगलागी भएको भवनमा सिदिङ्वा गाउँपालिकाको क्वाटरसमेत रहेको बताइएको छ। यद्यपि, घटनामा मानवीय क्षति भने भएको छैन।
आगो नियन्त्रणका लागि प्रहरी चौकी थुम्बेदिन, सिनाम, अस्थायी प्रहरी चौकी खाम्दिम्बेबाट खटिएको प्रहरी टोली र स्थानीयवासीले करिब दुई घण्टासम्म प्रयास गरेका थिए। अन्ततः आगो साँझ साढे ६ बजे नियन्त्रणमा ल्याइएको प्रहरीले जनाएको छ।
प्रतिक्रिया
सम्बन्धित खवर
