ताप्लेजुङ — मिक्वाखोला गाउँपालिका–साँवामा जारी “फङ्फङ्देन झरना पर्यटन तथा सांस्कृतिक मेला–२०८२” अन्तर्गतको अलैचि कप फुटबल प्रतियोगितामा गणेशचोक कर्नर टिम पाँचथर विजयी बनेको छ।
आज सम्पन्न फाइनल खेलमा गणेशचोकले हिमाली तोक्पेगोला, ताप्लेजुङलाई १–० गोल अन्तरले पराजित गर्दै उपाधि आफ्नो नाममा लेखेको हो। खेलको निर्णायक गोल निरोश लिङ्देनले गरेका थिए।
उपाधिसँगै गणेशचोक कर्नर टिमले नगद रु. ३ लाख २ हजार ८२ बराबरको अलैची पुरस्कार प्राप्त गरेको आयोजकले जनाएको छ। उप बिजेता बनेको हिमाली तोप्केगोलाले १ लाख ५२ हजार ८२ मा चित्त बुभाएको छ।
गणेशचोक कर्नर टिमको यो लगातार दोस्रो उपाधि हो, जसले टोलीको प्रदर्शनलाई झनै प्रभावशाली बनाएको छ।
प्रतिक्रिया
सम्बन्धित खवर
