ताप्लेजुङ, मंसिर ९ ।
सिदिङ्वा गाउँपालिकामा १८ औं राष्ट्रपति रनिङ शिल्ड प्रतियोगिता तथा लैंगिक हिंसा विरुद्धको १६ दिने अभियान मंगलवारदेखि एकै साथ सुरु भएको छ। कार्यक्रमको उद्घाटन गाउँपालिका अध्यक्ष मानबहादुर राईले गर्नुभयो।

उद्घाटन समारोहमा उपाध्यक्ष कृष्णकुमारी कडरिया (बन्दना), जिल्ला खेलकुद विकास समितिका अध्यक्ष नरेन्द्रकुमार मावो (गणेश), निम्मित प्रमुख प्रशासकीय अधिकृत तिवेन्द्र अधिकारी, विभिन्न वडाध्यक्ष, कार्यपालिका सदस्य, तथा स्थानीय खेलप्रेमीहरूको उल्लेख्य उपस्थिति थियो।

यस वर्षको जिल्ला स्तरीय राष्ट्रपति रनिङ शिल्ड प्रतियोगिताको आयोजक समेत रहेकाले सिदिङ्वा गाउँपालिकाले अन्य पालिकाभन्दा छिट्टै पालिका स्तरीय प्रतियोगिता सुरु गरेको हो। जिल्ला स्तरीय प्रतियोगिताको तयारीलाई प्रभावकारी बनाउन यसपालि समयमै प्रतियोगिता सञ्चालन गरिएको गाउँपालिकाले जनाएको छ।