गुल्मीमा पीसीआर परीक्षण गरिएका शत प्रतिशत अर्थात् सबैमा कोरोना संक्रमण पुष्टि भएको छ ।
स्वास्थ्य कार्यालय गुल्मीका अनुसार ११७ जनाको पीसीआर परीक्षण गरिएकोमा ती सबैमा संक्रमण पुष्टि भएको हो । यस्तै ४९९ जनाको एन्टिजेन परीक्षण गरिएकोमा २१७ जनाको रिपोर्ट पोजेटिभ देखिएको हो ।
योसँगै जिल्लामा कोरोना संक्रमणको दोस्रो लहरमा संक्रमितको संख्या ३३४ पुगेको हो ।
जिल्लाका १२ वटा पालिकामध्ये रेसुङ्गा नगरपालिकामा सर्वाधिक संक्रमित छन् । सो पालिकामा ११७ जना संक्रमित छन् । तीमध्ये १३ जना पीसीआर रिपोर्टका आधारमा पोजेटिभ देखिएका हुन् भने एन्टिजेन परीक्षणमा १०४ जनामा संक्रमण पुष्टि भएको हो ।
नगरपालिकाका १४ वटा वडामध्ये वडा नम्बर ८ थप जोखिममा छ ।
यस्तै, मुसिकोट नगरपालिकामा पीसीआर पोजेटिभ ७, एन्टिजेन परीक्षणमा ३८ संक्रमितसहित कुल ४५ जना संक्रमित भेटिएका छन् ।
मालिका गाउँपालिकामा पीसीआर पोजेटिभ ४ जना र एन्टिजेन ७ सहित ११ जना संक्रमित छन् भने एक जना निको भइसकेका छन् ।
मदाने गाउँपालिकामा ८ जना पीसीआर पोजेटिभ छन् भने एन्टिजेन परीक्षणमा पोजेटिभ देखिएका ५ सहित १३ जना संक्रमित छन् ।
यस्तै, धुर्कोट गाउँपालिकामा २२ जना संक्रमित छन् भने कालिगण्डकी गाउँपालिकामा ८ जना, चन्द्रकोट गाउँपालिकमा ५ जना, सत्यवती गाउँपालिकामा ३० जना संक्रमित छन् ।
रुरुक्षेत्र गाउँपालिकामा ३४ जना संक्रमित फेला परेका छन् भने छत्रकोट गाउँपालिकामा २५ जना, इस्मा गाउँपालिकामा ५ जना र गुल्मीदरवार गाउँपालिकामा १९ जना संक्रमित छन् ।
प्रतिक्रिया
सम्बन्धित खवर
