१६ मङ्सिर, ताप्लेजुङ — निजी तथा आवासीय विद्यालय अर्गनाइजेशन नेपाल (प्याब्सन) ताप्लेजुङको वार्षिक कार्ययोजना–२०८२ अन्तर्गत कन्चन नवज्योति स्कुलको आयोजनामा सञ्चालन हुन लागेको माध्यमिक स्तरीय छात्र–छात्रा भलिबल प्रतियोगिताको खेल तालिका औपचारिक रूपमा सार्वजनिक गरिएको छ। जिल्लाभरका विभिन्न विद्यालयहरूको सहभागिता रहने प्रतियोगिता यस वर्ष मंसिर १८ गतेदेखि सञ्चालन हुने भएकाे छ।

यसअघि प्रतियोगिता मंसिर १७ गतेदेखि प्रारम्भ गर्ने पूर्वनिर्धारित कार्ययोजना थियो। तर, आयोजक विद्यालयकी एक छात्राको अकस्मात निधन भएकाले विद्यालयले सोही दिनलाई शोक बिदा घोषणा गरेको छ।
विद्यालयका प्रिन्सिपल लेनिस खड्काले दुःखद घटनाप्रति संवेदना व्यक्त गर्दै मानव संवेदनशीलताको प्राथमिकता दिँदै प्रतियोगिता एक दिन पर सरेको जानकारी दिनुभयो।

महिला तर्फको (छात्रा) खेल संरचना

महिला समूहका खेलहरू समूह ‘ए’ र **समूह ‘बी’**मा विभाजन गरिएको छ।

समूह ‘ए’

मेची सेन्ट मेरीज

पाथिभरा न्यू–लर्निङ

लिटल बुद्ध

समूह ‘बी’

कन्चन अकाडेमी

कन्चनजङ्घा

अक्सफोर्ड मोडल

महिला तर्फका खेलहरू मंसिर १८ र १९ गते सञ्चालन हुनेछ।
उक्त समूह चरणका विजेता तथा उपविजेता टोलीबीचको फाइनल खेल मंसिर २० गते दिउँसो १२:०० बजे निर्धारित गरिएको छ।

पुरुष तर्फको (छात्र) खेल संरचना

पुरुष समूह पनि दुई उपसमूहमा वर्गीकृत गरिएको छ।

समूह ‘ए’

पाथिभरा न्यू–लर्निङ

अक्सफोर्ड मोडल

लिटल बुद्ध

समूह ‘बी’

मेची सेन्ट मेरीज

कन्चन अकाडेमी

कन्चनजङ्घा

पुरुष तर्फका प्रतिस्पर्धात्मक खेलहरू मंसिर १८ र १९ गते सञ्चालन हुनेछ।
प्रतियोगिताको फाइनल खेल मंसिर २० गते दिउँसो १:०० बजे कन्चन नवज्योति स्कुलको कोर्टमा खेलाइनेछ।

प्याब्सन ताप्लेजुङको उद्देश्य

प्याब्सन ताप्लेजुङले जिल्लाभित्रका विद्यार्थीहरूमा खेलकुदप्रतिको रुचि अभिवृद्धि, अनुशासन, नेतृत्व क्षमता र स्वस्थ प्रतिस्पर्धा प्रवर्द्धन गर्ने उद्देश्यले यस प्रकारका खेल गतिविधि प्रत्येक वर्ष आयोजना गर्दै आएको प्याब्सन ताप्लेजुङका अध्यक्ष देवराज गुरुङले बताउनु भयो।
यो प्रतियोगिताले विद्यालयहरूबीच आपसी सद्भाव, सहकार्य र खेल संस्कृतिको उन्नति गर्न सहयोग पुग्ने अपेक्षा गरिएको छ।

खेल तालिका :