माघ १़० । प्रधानमन्त्री केपी शर्मा ओलीले आमसभा कस्तो हुन्छ भन्ने कुरा आफूले माघ २३ गते देखाइदिने बताउनु भएको छ ।
शुक्रबार दाहाल–नेपाल नेतृत्वको नेकपाले गरेको विरोध प्रदर्शनतर्फ संकेत गर्दै प्रधानमन्त्री ओलीले दाहाल–नेपाल समूहको भेलालाई साँघुरो गल्लीमा जम्मा गरेको भीडको संज्ञा दिनुभयो ।
साँघुरो गल्लीमा केही मान्छे जम्मा गर्दैमा आमसभा हुँदैन भन्दै उहाँले आमसभा कस्तो हुन्छ भन्ने माघ २३ गते आफुहरुले देखाउने बताउनुभयो ।
शुक्रबार काठमाडौंमा पेसागत विशेष जिल्ला कमिटीको भेलालाई सम्बोधन गर्दै प्रधानमन्त्री ओलीले प्रतिनिधिसभा कुनै पनि हालतमा पुनस्र्थापना नहुने भन्दै निर्वाचनको तयारीमा लाग्नुपर्नेमा जोड दिनुभयो ।
प्रचण्ड–माधव समूहले काठमाडौँमा आयोजना गरेको विरोध सभालाई लक्षित गर्दै प्रधानमन्त्री ओलीले अदालतलाई धम्की नदिन पनि चेतावनी दिनुभयो । त्यस्तै विरोधसभाबारे टिप्पणी गर्दै उहाले देशभरीबाट अलि अलि मान्छे जम्मा हुनु स्वभाविक भएको बतानुभयो ।
