२३ फल्गुन, ताप्लेजुङ।
गत एक साता अगाडि ताप्लेजुङको दोस्रो ठुलो बजार दोभानमा आगलागीका कारण ४९ घर बिस्थापित भएसङै अहिले राहत संकलन गर्ने कार्य सबै संघसस्थाबाट भइ रहेको छ। यसै सन्दर्भमा ताप्लेजुङको मेरिङ्देन गाउँपालिका ३ ले दोभान बासी अग्नि पीडितहरुको सहयोगार्थ मेरिङ्देन गाउँपालिकाको कर्मचारी र स्थानीय क्लब श्री तान्छोपा साम्जुङ युक्फुङ मेरिङ्देन ४ दिङ्ला बिच मैत्रीपुर्ण फुटबल खेल शनिबार सम्पन्न भएको देउमान लङ्वाले जानकारी दिनु भएको छ । मेरिङ्देन ४ दिङ्ला खेल मैदानमा खेलिएको उक्त खेलमा मेरिङ्देन गाउँ पालिका कर्मचारीबाट २ गोल र श्री तान्छोपा साम्जुङ युक्फुङबाट ४ गोल लगाइ स्थानीय क्लब बिजयी बनेको थियो। खेलबाट
संकलित रकम रु २०,००० (बीस हजार रुपैया) आज आइतबार एक कार्यक्रम बिच मेरिङ्देन गाउँपालिकालाइ हस्तान्तरण गर्ने लङ्वाले जानकारी दिनु भएको छ।